Hausa Fact-Check Videos

Videos in compliance with YouTube’s Terms of Use and Privacy Policy

Ana ta yaɗa sanarwar bogi kan maye gurbin ma'aikatan Hukumar Shige da Fice a WhatsApp

Wata sanarwar manema labarai da aka danganta da Hukumar Tsaro ta Farin Kaya, gyaran hali da kashe gobara da kuma Shige da fice (CDCFIB) ta yi iƙirarin cewa an fara ...neman maye gurbin ma’aikatan Hukumar shige da fice ta Najeriya (NIS).

Sanarwar mai taken: “Sanarwar Ma’aikatar Shige da Fice ta Najeriya kan maye gurbin ma’aikatan hukumar ta 2022/2023” wanda aka samo daga zauren WhatsApp a ranar 10 ga Disamban, 2022.

Sanarwar ta rawaito, "CDCFIB ta amince da a fara aikin maye gurbin Ma'aikatan Hukumar Shige da Fice Ta Najeriya na 2022/2023," cewar wani bangare na sanarwar.

Binciken FactCheckHub ya nuna cewa iƙirarin KARYA ne!

Lokacin da aka tuntuɓi Hukumar NIS ta ƙaryata iƙirarin da aka yi, inda ta ce ƙarya ne, domin babu irin wannan sanarwar da ta fito daga hukumar.

NIS, a cikin sanarwar da ta fitar wadda FactCheckHub ta samu ta WhatsApp, ta shawarci jama'a da su yi watsi da bayar da rahoton duk wani zauren da ke yaɗa sanarwar ɗaukar ma'aikatan.

"Muna bayyanawa a fili kuma don guje wa kowane shakku, cewa ba ma ɗaukar ma'aikata a halin yanzu," cewar hukumar.

Bayan ƙarin bincike, FactCheckHub sun lura cewa akwai aƙalla kafofin yanar gizo guda huɗu daban-daban da ake sarrafa su a matsayin shafukan yanar gizo na Hukumar Shige da Fice ta Najeriya tare da ɗaukan ma'aikata.

Sai dai Jami’in Hulɗa da Jama’a na NIS, Anthony Akuneme, ya bayyana cewa, Hukumar tana da halattacen shafin intanet ɗaya ne kaɗai, wato: http://www.immigration.gov.ng.[+] Show More

Ana ta yaɗa sanarwar bogi kan maye gurbin ma'aikatan Hukumar Shige da Fice a WhatsApp

Wata sanarwar manema labarai da aka danganta da Hukumar Tsaro ta Farin ...

Binciken gaskiyar iƙirarin Nasir El-Rufai game da yawan sojojin Najeriya, da sauransu a Chatham

Gwamnan Jihar Kaduna, Nasir El-Rufai, na daga cikin yan siyasa da suka ...

Gwamnan Jihar Kaduna, Nasir El-Rufai, na daga cikin yan siyasa da suka raka ɗan takarar Shugaban Ƙasa na Jam’iyyar APC mai mulki, Bola Ahmed Tinubu, zuwa Chatham House da ke ...tarayyar Birtaniya kwanan nan.

Da aka tambaye shi yadda gwamnatinsa za ta magance matsalar rashin tsaro da sace-sacen mata a Najeriya idan aka zaɓe shi, Tinubu ya kira El-Rufai ya amsa tambayar.

“Na farko, tabbatar da bin doka. Najeriya na da 'yan sanda kusan 300,000 ga al'umma sama da miliyan 200. Muna buƙatar aƙalla ninki biyu na wannan adadin,” in ji El-Rufai.

Binciken FactCheckHub ya nuna cewa iƙirarin KARYA ne!

Wani bincike da kafar Dataphyte ta wallafa a ranar 7 ga Oktoban, 2019 ya nuna cewa yawan ‘yan sandan Najeriya ya kai 371,800, inda ‘yan sanda ke da adadin ɗan sanda ɗaya ga ‘yan ƙasa ɗari biyar da arba’in (540).

El-Rufai ya kuma ce sojojin Najeriya ba su wuce 200,000 ba – da ya haɗar da: sojojin ƙasa, sojojin ruwa da na sama.

Binciken FactCheckHub ya tabbatar da cewa iƙirarin KARYA ne!

Wani rahoto da Dataphyte ta wallafa a ranar 3 ga Maris, 2022, ya nuna cewa yawan sojojin Najeriya ya kai 215,000 daga cikinsu 135,000 ke aiki yayin da 80,000 ke aikin tallafawa rundunar sojoji, a cewar wata ƙididdiga ta 2022.

Hakazalika, El-Rufai ya ƙara da cewa adadin sojojin Najeriya “10,000 ne kawai” a shekarar 1967, wanda ya ce an ƙara yawansu zuwa 250,000 saboda Yaƙin Basasa.

Binciken FactCheckHub ya gano cewa rabin iƙirarin GASKIYA ne!

Wani rahoto da Military Wiki ta fitar ya nuna cewa sojojin Najeriya (NA) na da sojojin ƙasa 18,000 da kuma rundunar masu tallafawa kafin adadinsu ya kai kimanin 126,000 a sassa uku a farkon yaƙin basasar Najeriya a shekarar 1967.

Haka kuma, wani rahoton Tsaro na Duniya ya nuna cewa, yawan sojojin Najeriya ya kai kusan 10,500 a lokacin samun ‘yancin kai, wanda daga baya ya haura zuwa 250,000 a ƙarshen yaƙin basasar Najeriya a 1970.

Sai dai a cewar rahoton, an rage yawan sojojin Najeriya zuwa kusan 150,000 a shekarar 1980 saboda dalilai na tattalin arziki.[+] Show More

#HausaFactCheck: Tinubu ya yaɗa hoton yaudara yayin da ake raɗe-raɗin rashin lafiyarsa

Ɗan takarar Shugaban Ƙasa a Jam’iyyar APC, Bola Ahmed Tinubu, ya yaɗa ...

#HausaFactCheck: Yaya gaskiyar iƙirarin #PeterObi kan yawan talauci a Arewacin Najeriya?

Ɗan takarar Shugaban ƙasa a ƙarƙashin Jam’iyyar Labour Party, Peter ...

Charly Boy ya yaɗa hoton yaudara na Tinubu na kallon Peter Obi a talabijin

Fitaccen mawaƙin Najeriya, Charles Chukwuemeka Oputa, ya wallafa wani ...

#HausaFactCheck: Reno Omokri ya yi iƙirarin KARYA a kan ta'addanci a Najeriya

Tsohon maitaimakawa tsohon Shugaban Ƙasa, Goodluck Jonathan, Reno ...

Sakon Twitter da Charly Boy ya wallafa kan INEC ta daina watsa sakamakon zaɓe ta na'ura, KARYA ne!

Mawaƙin Najeriya, Charles Oputa, wanda aka fi sani da Charly Boy, ya ...

Shin iƙirarin Peter Obi game da jimillar abun da Najeriya ta fitar a 2021 gaskiya ne?

Ɗan takarar Shugaban Ƙasa na Jam'iyyar Labour Party (LP), Peter Obi, ...

Shin iƙirarin Atiku kan yawan masu amfani da shafukan sada zumunta a Arewacin Najeriya daidai ne?

A kwanan nan ne ɗan takarar shugaban ƙasa na Jam’iyyar PDP, Atiku ...

Buhari Yayi Ikirari Na Karya Kan Zaben Fidda Gwani A Jawabin Ranar Dimokradiyya Na 2022

Nurudeen Akewushola A jawabinsa na ranar 12 ga watan Yunin 2022 da aka ...

Nurudeen Akewushola

A jawabinsa na ranar 12 ga watan Yunin 2022 da aka sa kai tsaye a kafafen yada labarai a fadin kasar don tunawa da Ranar Dimokradiyyar 2022, Shugaban ...Najeriya, Muhammadu Buhari ya ce zaben fidda gwani da akai kwanan nan da jam'iyyun siyasa suka gudanar domin babban zaben 2023 ya gudana cikin kwanciyar hankali da lumana.

Ya yi wannan ikirari ne a cikin jawabinsa da aka watsa kai tsaye a gidajen Talabiji na kasa da suka hada da: Hukumar Talabijin ta Najeriya (NTA) da tashar Channels TV da dai sauransu.

Wannan ikirari: MAFI YAWANSA KARYA NE

Duk da cewa, an gudanar da zaben fidda gwani a wasu sassan kasar cikin kwanciyar hankali, sakamakon binciken da FactCheckHub tayi ya nuna cewa zabukan cike suke da bangar siyasa, kashe-kashe, satar kuri'u, da sauran nau'ukan tashin hankali a lokuta da dama.

Rahotanni daga kafafen yada labarai masu sahihanci sun nuna cewa, an samu rahotannin tashe-tashen hankula akalla a jihohi tara kuma a kalla an samu asarar rayuka biyar yayin zaben.

LAGOS

Misali, akalla mutum biyu ne aka tabbatar da mutuwarsu yayin da wasu ‘yan bangar siyasa suka hargitsa zaben fidda gwani na ‘yan majalisar wakilai na Jam’iyyar APC da aka gudanar a Unguwar Alimosho da ke Jihar Legas yayin da aka kori wakilan zaben jam’iyyar.

ONDO

'Yan bangar siyasa dauke da makamai sun sace akwatunan zabe a zaben fidda gwani na Jam’iyyar APC a mazabar Akure ta Kudu/Akure ta Arewa bayan sun fatattaki wakilai masu zabe da jami’an zabe a wurin.

OYO

Wasu masu kada kuri’a sun yi ikirarin cewa, an kore su daga wajen da ake gudanar da zaben fidda gwanin bayan da rikici ya barke a zaben fidda gwani na ‘yan Majalisar Wakilai na Tarayya da na jiha da Jam’iyyar PDP reshen Jihar Oyo ta gudanar, kamar yadda Jaridar Guardian ta ruwaito.

NASSARAWA

A Jihar Nasarawa daruruwan fusatattun matasa ne suka hargitsa zaben fidda gwani na Sanata mai wakiltar Nasarawa ta Yamma na Jam’iyyar APC da aka gudanar a Karamar Hukumar Keffi ta jihar, cewar rahoton Daily Trust.

EKITI

Zaben fidda gwani na ‘yan Majalisar Wakilai na Jam’iyyar APC mai wakiltar mazabar Tarayya ta Tsakiya ta biyu na Jam’iyyar APC da aka gudanar a ranar 27 ga watan Mayun 2022, an bayyana sakamakon a matsayin wanda bai kammalu ba, bayan da ‘yan bangar siyasa suka hargitsa zaben da tashin hankali , kamar yadda jaridar The Punch ta ruwaito.

ABIA

A ya yin zaben fidda gwani na Jam'iyyar PDP na mazabar Abia ta Arewa mazabar Sanata da aka gudanar a ranar 25 ga Mayu, 2022, majiyar PM NEWS ta ruwaito cewa an samu rikici.

BAYELSA

A zaben fidda gwani na jam’iyyar PDP a mazabar farko ta Karamar Hukumar Ogbia a jihar shi ma ya rikide zuwa tashin hankali yayin da wani mutum mai suna Michael Isaiah da ake yi wa lakabi da ‘Tompolo’ aka harbe shi a lokacin da lamarin ya faru, in ji jaridar Thisday.

CROSS RIVER

An samu rahotan kashe wani dan sanda a yayin zaben fidda gwani na ‘yan Majalisar Wakilai na Tarayya na Jam’iyyar PDP a jihar, a daidai lokacin da ake zargin an harbe wani mutum har lahira, yayin da wasu ‘yan sanda suka samu raunuka a wata arangama tsakanin ‘yan bindiga da wasu ‘yan sanda a harabar mazabar Akpabuyo/Bakassi da Kalaba ta Kudu don zaben fidda gwani na Jam’iyyar APC kamar yadda Jaridar The Punch ta ruwaito.

KADUNA

'Yan bangar siyasa dauke da makamai sun mamaye wurin da ake gudanar da zaben fidda gwani na Jam’iyyar APC da aka gudanar a mazabar Kaduna ta Arewa tare da kwace kayan aikin wasu ‘yan jarida, cewar rahoton The Cable.[+] Show More